Andatui

Comezamos coas andainas/trilhos da Eurocidade Tui – Valença 2023. Inauguramos esta tempada coa Andaina de san Telmo, realizarémola o domingo 16 de abril en Tui.

Esta andaina conta cunha distancia duns 8 quilómetros e unha duración aproximada de dúas horas e media, cun grado de dificultade baixo e sendo de interese cultural e paisaxístico. Sairemos ás 10:00 horas galegas desde a praza da Inmaculada para recorrer distintas rúas da zona monumental de Tui, finalizando na praza da Inmaculada onde desfrutaremos duns soborosos petiscos.

O prezo é de 6 euros por persoa, polo que debes facer un ingreso ou transferencia facendo constar nome e apelidos do participante ou participantes na seguinte conta bancaria:

Banco Sabadell:  ES85 0081 2276 4700 0113 6717

IMPORTANTE:  o prazo límite para inscribirse será o xoves 13 de abril

En caso dalgunha dúbida podes chamar ao seguinte número de teléfono: 607 785 601 (Tato)

INSCRICIÓNS FINALIZADAS

O sábado 11 de febreiro o club Andatui realizará unha ruta guiada polos Muiños da Salgueira e do Monte de Pereiras, no Concello de Mos.

En colaboración coa Comunidade de Montes e a Asociación de veciños A Nosa Terra de Pereiras faremos esta fermosa ruta, guiada por Daniel Lago, onde poderemos desfrutar de moitísimos muiños; entre outros, o muiño do Rial, o do Capellán, ou o de Grilares, un dos muiños de cubo máis alto da ruta. Auténticas obras de enxeñaría con máis de trescentos anos de historía.

A ruta é circular e ten uns 9 quilómetros aproximadamente de lonxitude, cun grado de dificultade baixo.

Comezaremos a ruta ás 09:00 horas, estimando a súa finalización sobre as 13:00 horas aproximadamente.

Esta ruta será gratuita, xa que nos desplazaremos en coches particulares, tendo dúas opcións para elixir:

• Sair connosco ás 08:30 horas desde a rúa Ourense de Tui nos coches particulares 
• Aparecer ás 08:45 horas diante da igrexa de san Miguel de Pereiras 

Se clicades no seguinte enlace poderedes ver fotos dos Muiños da Salgueira e do Monte de Pereiras

Rogamos puntualidade. En caso dalgunha dúbida podedes chamar ao seguinte número de teléfono: 607 785 601 (Tato)

Moi importante, por temas de intendencia é necesario inscribirse no seguinte formulario

 

 INSCRICIÓNS FINALIZADAS

«A solidaridade non é un acto de caridade, senón unha axuda mutua entre forzas que loitan polo mesmo obxectivo”

 Samora Machel

O domingo 18 de decembro realizaremos a IX Camiñada Solidaria 2022 en favor de SOS Tomiño Baixo Miño.

 

Este ano a Camiñada Solidaria levarémola a cabo no monte Aloia, percorrendo a muralla ciclópea. A visita será guiada e comentada polo historiador tudense Rafael Sánchez Bargiela e o arqueólogo Juanjo Perles, tamén tudense. Ámbolos dous falarannos dos datos históricos que se teñen ata o momento da muralla ciclópea, o maior asentamento fortificado de Galicia.

A visita comezarémola na capela de san Xiao, no monte Aloia, ás 10:00 horas.

Esta ruta/visita, de algo máis de tres quilómetros e unha duración aproximada de dúas horas, percorrerémola ao carón dos restos da antiga muralla ciclópea visitando tamén os miradoiros do Celta, o do Castelo, o do enxeñeiro Areses e o da Oliva, todos eles cunhas vistas panorámicas espectaculares.

IMPORTANTE, para participar só é preciso aparecer no lugar e hora indicada cun quilo, ou máis, de alimentos non perecedoiros, alimentos que doaremos a SOS Tomiño Baixo Miño.

 

A continuación podedes descargar o seguinte artigo de Mario Fernández Pereiro, doutor en Arqueoloxía da Universidade de Santiago de Compostela, titulado «O recinto fortificado do monte Aloia. Un xigante altomedieval esquecido»