Información da XVIII Andainatudense Solidaria 2022
O sábado 14 de maio, ás 10:00 horas, sairemos desde a praza da Inmaculada para recorrer varias rúas de Tui antes de tomar rumbo hacia a senda do Lagartón e chegar a ponte das Febres, despois subiremos polos muiños de Paredes ata o alto do monte Aloia, onde xantaremos arredor da capela de san Xiao. Pola tarde pasaremos ao carón do castro Alto dos Cubos, recomendamos a visita, antes de chegar de novo a praza da Inmaculada onde rematará a XVIII Andainatudense Solidaria.
En total percorreremos sobre 23 quilómetros, tendo avituallamentos intermedios. Informamos que este ano non teremos servizo de masaxes e duchas por razóns de seguridade sanitaria. No remate da Andainatudense faremos o sorteo de agasallos de costume.
IMPORTANTE, a acción solidaria irá destinada a SOS Tomiño Baixo Miño, polo que na recollida do dorsal solicitamos entregar 1 quilo, ou máis, de alimentos non perecedoiros.
Datos de interese:
- Recollida de dorsais: entre as 09:30 e as 10:00 horas na praza da Inmaculada.
- Xantar: sobre as 14:00 horas arredor da capela de san Xiao.
- Remate da andaina: aproximadamente ás 18:00 horas.
- Prezo: 12 euros (inclúe seguro, camiseta conmemorativa, bocadillo para xantar e avitullamentos)
- As inscricións finalizarán o mércores 11 de maio ás 23:59 horas.
POR FAVOR, sigue os nosos consellos para inscribirte correctamente e así facilitarnos o traballo administrativo que este evento require:
1º – Aboar no banco, ou por transferencia, o importe da Andainatudense facendo constar o nome e apelidos do participante ou participantes.
Banco Sabadell, con IBAN: ES85 0081 2276 4700 0113 6717
(Para transferencias internacionais o código SWIFT ou BIC é o seguinte: BSABESBB)
2º – Enviar o noso email clubandatui@gmail.com o xustificante de pago, especificando o nome e apelidos do participante ou participantes.
3º – Facer a inscrición no formulario.
Seguindo estes tres pasos correctamente, en cuestión de horas, atoparás o teu dorsal xunto co nome e apelidos no listado de participantes.
Non inscribiremos a ninguén se non recibimos o xustificante de pago xunto co nome e apelidos do participante ou participantes.
Por último, en caso dalgunha dúbida podes chamar o seguinte número de teléfono: 607 785 601 (Tato).