XIV andainatudense 2017

O vindeiro 13 de maio ás 10:30 sairemos do Centro Interfederado ó carón do “Pai Miño”, o río máis caudaloso da terra dos 1.000 ríos, para recorrer 27 qm. aproximadamente.

Seguiremos polo paseo do río Miño ata o San Martiño nas Bornetas. Pasaremos por Randufe, Anta, polos petroglifos do Alto do Coello ás 12:00, para subir ó cumio do Primeiro Parque Natural de Galicia, o Monte Aloia.

Xantaremos ás 14:00 na capela de San Xiao para despois baixar a Cova da Trapa ás 17:00, Ribadelouro, dirección á Ponte das Fevres, o camiño portugués cara a saída.

Teremos saídas do camiño para poder ir case todo por terra.
A distancia total será e 27 qm, e os que queiran baixar pola cova da Trapa, 27,5 qm.
A cova ten unha baixada moi técnica, facela é optativa e deben levar bastón, botas e moita experiencia baixando.

Remataremos ás 18:00 no Centro Interfederado, onde teremos música, xogos tradicionais, chourizada e sorteo de agasallos.

 

Indicarvos que os puntos de control indicados antes son obrigatorios. Non se montarán ata a hora indicada e se chegamos antes, teremos que esperar.

O prezo da inscrición é de 12 euros, 10 se o fas antes do 2 de maio. Por cada inscrición serán doados 2€ ó colexio San Xerome Emiliani.

-FILA O: Se alguén quere facer doazóns a maiores para o colexio, pode facelos nesta mesma conta poñendo en concepto FILA 0.

Ingreso ou transferencia ó Banco Pastor “Grupo Banco Popular” na conta:

IBAN ES51 0238 8307 70 0600236806

Enviando xustificante do ingreso co nome e apelidos de cada inscrito ó enderezo clubandatui@gmail.com.

DATA LÍMITE : 11 DE MAIO ÁS 24:00

Inscríbete antes do 11 de maio.

Percorrido da XIV Andaintaudense: (próximamente)

-Nº MÁXIMO DE PRAZAS: 500 
-HORARIO: Recollida de dorsais e agasallo, das 09.00h ás 10.00h (Prégase puntualidade)
10,5 qm. dende o río Miño ata o Monte Aloia.
15,5 qm. dende o Monte Aloia ata o Centro Interfederado de Tui.
Lembra que podes unirte a nós en calquera punto do percorrido: sempre que o comuniques no control de saída .

¡Ti decides onde comeza e remata a túa Andaina! Previo aviso nun control.
-SAÍDA e CHEGADA: Centro Interfederado, ó lado do Parador de Turismo e do río Miño. A andaina será circular polo que inicia e remata no mesmo punto.
* COMO SE CHEGA E ONDE SE APARCA (clic aquí).

-AVITUALLAMENTOS: Estarán situados nos seguintes puntos quilométricos:

· Quilómetro   5: líquido

· Quilómetro   8: líquido e froita

· Quilómetro 12: líquido

· Quilómetro 21: líquido

-DUCHAS e MASAXES: Para todos aqueles que desexen refrescarse ou relaxarse, estarán dispoñibles unhas duchas situadas no Centro Interfederado. Ó remate da Andaina contaremos con expertos masaxistas.
ACTIVIDADE DE CLAUSURA:

· Carreira de aros, para os cativos e non tan cativos.

· Sorteo de agasallos entre tódol@s participantes que pasen os controis.

· “Chourizada”: Para recuperar forzas os participantes poderán saborear uns deliciosos chourizos.

* Tódol@s participantes estarán cubertos por un seguro de responsabilidade civil. O club organizador non ten responsabilidade noutros danos que poidan causar ou sufrir os participantes fora do obxecto da póliza contratada.
* Aconsellamos levar roupa cómoda e calzado axeitado. Recordade que podedes levar bastóns ou calquera outro elemento que vos faga máis doada e confortable a experiencia.
* Na saída teredes unha furgoneta á vosa disposición onde podedes transportar as vosas cousas.
* Tódol@s menores de 14 anos inscritos deben ir acompañados dunha persoa adulta que será a responsable dos mesmos durante a camiñada.
* Os participantes da Andainatudense somos xente respectuosa co noso entorno e amantes da natureza, por iso coidaremos que a nosa actividade non produza ningún impacto negativo nos escenarios que visitamos. Axúdanos a conseguilo:

· Non tires lixo o chan, gárdao na mochila e deposítao nos puntos de recollida pertinentes.

· Coida o teu ton de voz e non berres: goza dos sons que te rodean.

· Non arrinques plantas, pólas ou arbustos que atopes no camiño, deixa que sigan medrando e enriquecendo a paisaxe.

18/12/2016 Camiñada Solidaria 2016

Querid@s camiñantes:

O ruta de Sistelo á Peneda queda aprazada a cando faga mellor tempo, en primavera. Pois fomos a directiva do clube e facela con este frío a 1350 m. de altura nos pareceu moi dura.
Recordamos a nosa próxima cita: a nosa camiñada solidaria.
Todos os que percorremos o monte nestas datas, temos que pensar hai moitas familias que o pasan mal.
Por iso, para ser solidarios, o día 18/12/2016 con saída ás 10:00 da Porta do Sol Nacente en Valença, dirección Tui e voltando ó mesmo sitio. 8 km. de paseo.
Percorreremos as dúas cidades e os lugares máis emblemáticos.
¡¡OBRIGATORIA A INSCRICIÓN NA WEB!!

Inscricións pechadas.

Hoxe por eles e ogallá que nunca sexa por nós.

05/11/2016 Ruta da Castaña en Parada de Sil

Querid@s camiñantes:
O próximo día 5 de novembro faremos a ruta da Castaña en Parada de Sil.
Saíremos do Centro Interfederado ás 8 da mañán cara os Canóns do Sil, para percorrer unha distancia de 14 km.
Recomendamos levar botas, bastóns, mochila con bebida e un bocadillo (teremos posibilidade de mercalo no bar da saída)
Nesta rota, levaremos os nosos coches, repartidos para levar o mínimo posible deles.
Se queredes ver a grandeza dos Canóns do Sil, mosteiros, grandes fragas de castiñeiros cun sinfín de miradores, apúntate a esta rota.
Sairemos puntuais. Por respeto, Non esperamos por ninguén.

¡¡OBRIGATORIA A INSCRICIÓN NA WEB!!

Inscricións aquí.

Tamén temos pensado facer unha rota dende Cristelo á Peneda polo Xures, sendo de dificultade alta; pero queriamos saber quén estaría disposta a facela, pois teriamos que alugar un autobús que nos deixara en Cristela e nos recollese na Peneda.
Esto sería o día 19 ou 26 de novembro. Tamén teriamos que levar bocadillo para comer.