O Castro Laboreiro da transhumancia

O sábado 21 de marzo volveremos ao Parque Nacional Peneda – Gerês, nesta ocasíon a Castro Laboreiro para facer o trilho Castrejo, unha ruta entre brandas e inverneiras.

“Em Castro Laboreiro, todo o proprietário, por muito diminuto que seja o seu património, tem, como qualquer lord inglês, duas habitações – uma de verão e outra de inverno». Isto escribia Alfredo Campos, escritor, sobre o modo de vida transhumante dos pastores na segunda metade do século XIX.

A transhumancia en Castro Laboreiro implicaba que os pastores habitaran a maior parte do ano nas brandas, situadas nas partes altas da montaña, e nas épocas máis duras baixaran a vivir nas inverneiras, situadas na parte baixa e máis resgardadas do frío e da neve. 

Esta ruta, duns 20 quilómetros, comezarémola en Castro Laboreiro visitando os restos do Castelo – Fortaleza, situado a 1.033 m de altura. Tras esta visita iremos ver os muíños do río Laboreiro, para despois coller camiño as brandas do Pradosouro e a da Seara, e as inverneiras de Varziela, Cainheiras, Assureira e Barreiro. Tamén visitaremos a capela da senhora de Anamão, ao carón da Pena de Anamão (lugar onde se agochaba o famoso bandoleiro Tomás das Quingostas) . Cruzaremos por varias pontes medievais como as de Varziela, Cava da Velha ou a da Assureira. Baixaremos polo Bico do Patelo (formación pétrea onde poderemos «imaxinar a un pato ou a unha aguia» divisando o val) e, xa no tramo final, subiremos pola carballeira de Barreiro e pola lagoa de Gontamil para rematar en Castro Laboreiro onde veremos a igrexa de santa María da Visitação e o Pelourinho.

Nas reportaxes Inverneiras e Brandas, Mudança na Paisagem e Paisagem de Castro Laboreiro podedes coñecer un pouco máis como era a vida dos pastores transhumantes de Castro Laboreiro.

(Si clicades nas palabras en cor verde podedes ver vídeos e información diversa)

 

Datos a ter en conta:

  • Sairemos en bus desde a rúa Ourense de Tui, ao carón do aparcamento da Área Panorámica, ás 07:00 horas e regresaremos sobre ás 20:00 horas.
  • Cada participante terá que levar comida e bebida, xa que xantaremos en plena ruta.
  • É preciso facer inscrición, máximo 40 prazas.
  • Prezo: 10€  a ingresar no Banco Sabadell:  ES85 0081 2276 4700 0113 6717

MOI IMPORTANTE: o número máximo de prazas é de 40, polo que no momento que ocupemos tódalas prazas cerraremos a inscrición.

Non inscribiremos a ninguén si non recibimos no noso email clubandatui@gmail.com o xustificante de pago xunto co nome e apelidos do participante ou participantes.

En caso dalgunha dúbida podes chamar o seguinte número de teléfono: 607 785 601 (Tato).

INSCRICIÓN FINALIZADA. PRAZAS ESGOTADAS

A muralla ciclópea do monte Aloia

O domingo 2 de febreiro realizaremos unha ruta/visita guiada pola muralla ciclópea do monte Aloia.

Esta visita comezarémola na capela de san Xiao do monte Aloia ás 10:30 horas, será gratuita e só hai que presentarse no lugar e hora indicada.

A visita será guiada e comentada polo arqueólogo tudense Juanjo Perles, da empresa de arqueoloxía Anta de Moura, que nos falará dos datos históricos que se teñen ata o momento da muralla ciclópea do monte Aloia, o maior asentamento fortificado de Galicia.

Esta ruta/visita, de algo máis de dous quilómetros e unha duración aproximada de unha hora e media, percorrerémola ao carón dos restos da antiga muralla ciclópea visitando tamén os miradoiros do Celta, o do Castelo, o do enxeñeiro Areses e o da Oliva, todos eles cunhas vistas panorámicas espectaculares.

Achegamos a continuación algúns datos recollidos sobre a muralla do arquitecto e historiador Jaime Garrido Rodríguez:

                 No cumio do monte Aloia quedan restos á vista das murallas dunha antiga fortificación. O trazado da muralla de pedra pode ser percorrido en todo o seu perímetro (algo máis de 3 km). A fortificación componse de dous recintos: o superior, de maiores dimensións e outro, pegado a este polo norte, que ocupa unhas cotas inferiores. No seu conxunto, o recinto defensivo abrangue unhas 30 hectáreas de superficie. A muralla foi construída con grandes bloques de granito en seco, que lle dan un aspecto case ciclópeo. Por termo medio presenta unha anchura comprendida entre os 2,50 e os 3,50 metros, chegando a alcanzar os 3 metros de altura no treito mellor conservado.
                Algúns estudosos chegaron a identificar esta fortaleza do Aloia co monte Medulio, citado polos historiadores romanos como o último reducto onde se defenderon os pobos do noroeste hispánico das tropas romanas, pero esta identificación carece de fundamento.

Tamén podedes descargar o seguinte artigo de Mario Fernández Pereiro, doutor en Arqueoloxía da Universidade de Santiago de Compostela, titulado «O recinto fortificado do monte Aloia. Un xigante altomedieval esquecido»

VIII Camiñada solidaria 2019

“ A proba do noso progreso non é se nos unimos á abundancia de quen ten máis. É se damos o suficiente a aqueles que teñen pouco”  

Franklin D. Roosevelt

O próximo domingo 22 de decembro levaremos a cabo a VIII Camiñada solidaria 2019.

Sairemos desde o palco da música, na Corredoira de Tui, ás 10:00 horas para percorrer distintas rúas e prazas do casco antigo de Tui, baixaremos o paseo fluvial para despois cruzar a Ponte Internacional e achegarnos ata o interior da muralla de Valença do Minho, desde onde regresaremos de novo a Tui.

Esta Camiñada solidaria, duns 9 quilómetros de distancia, é de carácter moderada e apta para tódalas persoas.

IMPORTANTE, para participar só é preciso aparecer no lugar e hora indicada cun quilo, ou máis, de alimentos non perecedoiros, alimentos que doaremos a SOS Tomiño Baixo Miño.

       

              SOLIDARÍZATE !!!

Ola! Moitas grazas por visitarnos. Avisámosche que usamos cookies para mellorar a navegación, polo que entendemos que se continuas é porque estás de acordo. A continuación podes consultar a nosa política de cookiesACEPTAR

Aviso de cookies