Andainatudense Solidaria

Información da XVII Andainatudense Solidaria 2020

O sábado 11 de xullo, entre as 09:45 e as 10:30 horas, iremos saíndo desde a praza de san Fernando, diante da Catedral de Tui, para coller o Camiño Portugués ata a Virxe do Camiño, onde por diversos sendeiros iniciaremos a subida ao monte Aloia. Pasaremos polo rego de pedra e enlazaremos co antigo camiño dos romeiros que subían ao monte no día da Virxe das Angustias, finalmente recorreremos parte da muralla ciclópea que nos levará ata a capela de san Xiao, onde xantaremos. Pola tarde iniciaremos o descenso recorrendo outro tramo da muralla ciclópea para baixar a senda das Udencias, atravesaremos polo xardín botánico e pasaremos pola espectacular faia, unha das árbores máis senlleiras do monte Aloia e posiblemente a maís fermosa de Galicia. Xa no tramo final camiñaremos ao carón do río Tripes antes de chegar ao paseo da Corredoira, lugar escollido este ano para rematar a XVII Andainatudense Solidaria.

En total percorreremos sobre 23 quilómetros, tendo avituallamentos intermedios. Informamos que este ano non teremos servizo de masaxes e duchas por razóns de seguridade sanitaria. No remate da Andainatudense teremos empanada e faremos o sorteo de agasallos de costume.

IMPORTANTE, a acción solidaria irá destinada a SOS Tomiño Baixo Miño, polo que na recollida do dorsal solicitamos entregar 1 quilo, ou máis, de alimentos non perecedoiros.

Datos de interese:

  • Recollida de dorsais: entre as 09:45 e as 10:30 horas diante da Catedral de Tui.
  • Xantar: sobre as 14:00 horas arredor da capela de san Xiao.
  • Remate da andaina: aproximadamente ás 18:00 horas.
  • Prezo: 10 euros (inclúe camiseta conmemorativa, bocadillo para xantar e avitullamentos)
  • As inscricións finalizarán o mércores 8 de xullo ás 23:59 horas.

POR FAVOR, sigue os nosos consellos para inscribirte correctamente e así facilitarnos o traballo administrativo que este evento require:

1º – Aboar no banco, ou por transferencia, o importe da Andainatudense facendo constar o nome e apelidos do participante ou participantes.

Banco SabadellES85 0081 2276 4700 0113 6717

2º – Enviar o noso email clubandatui@gmail.com o xustificante de pago, especificando o nome e apelidos do participante ou participantes.

3º – Facer a inscrición no formulario.

Seguindo estes tres pasos correctamente, en cuestión de horas, atoparás o teu dorsal xunto co nome e apelidos no listado de participantes.

Non inscribiremos a ninguén se non recibimos o xustificante de pago xunto co nome e apelidos do participante ou participantes.

Por último, en caso dalgunha dúbida podes chamar o seguinte número de teléfono: 607 785 601 (Tato).

Ola! Moitas grazas por visitarnos. Avisámosche que usamos cookies para mellorar a navegación, polo que entendemos que se continuas é porque estás de acordo. A continuación podes consultar a nosa política de cookiesACEPTAR

Aviso de cookies